ചെന്നൈ: ദിത്വ ചുഴലിക്കൊടുങ്കാറ്റിനെത്തുടര്ന്ന് തമിഴ്നാടിന്റെ തീരപ്രദേശങ്ങളിലും ചെന്നൈയിലും വ്യാപക മഴ.
അടുത്ത 24 മണിക്കൂറിനുള്ളില് ന്യൂനമര്ദം ദുര്ബലമാകാന് സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. വില്ലുപുരം, കടലൂര്, തിരുവണ്ണാമല എന്നിവിടങ്ങളിലും ഒറ്റപ്പെട്ട കനത്ത മഴ പെയ്തു.
ചെന്നൈയിലുള്ള റെഡ് ഹില്സിലെ ഒറ്റപ്പെട്ട വീടുകളില്നിന്ന് ഒമ്പതു പേരെ രക്ഷപ്പെടുത്തി ദുരിതാശ്വാസ ക്യാമ്പുകളില് എത്തിച്ചു. കനത്ത മഴയുടെ പശ്ചാത്തലത്തില് ഇന്നലെ സംസ്ഥാനത്തെ പല ജില്ലകളിലെയും സ്കൂളുകള്ക്കും കോളജുകള്ക്കും അവധി പ്രഖ്യാപിച്ചിരുന്നു. തിരുവള്ളൂര്, ചെങ്കല്പ്പേട്ട്, കാഞ്ചീപുരം ജില്ലകളിലും മഴ പെയ്തു.
പ്രതികൂല കാലാവസ്ഥയെ മറികടന്ന് തിരുവണ്ണാമലയിലെ അരുണാചലേശ്വര് ക്ഷേത്രത്തിലെ പൂജാരിമാര് ഇന്നലെ പുലര്ച്ചെ കുന്നിന് പ്രദേശത്തെ വാര്ഷിക കാര്ത്തിക ദീപം ഉത്സവവുമായി ബന്ധപ്പെട്ട പ്രവര്ത്തനങ്ങള് ആരംഭിച്ചു.
E-paper LOGIN
LOGIN